हालै सम्पन्न स्थानिय तह निर्वाचनबाट निजगढ नगरपालिकाको प्रमुख पदमा निर्वाचित नेकपा एमालेका सुरथ पुरीले आज पदभार ग्रहण गर्नुभएको छ ।
पदभार ग्रहण गर्दै प्रमुख पुरीले निजगढ नगरपालिका स्थित वडा नं. ४ स्थित माझी बस्ती, वडा नं. ८ को खयरघारी स्थित रहेको बस्तीलाई नमुना वस्तीमा परिणत गर्ने र निजगढ नगरभित्र रहेका खेती योग्य जमिनमा आगामी पांच वर्ष भित्र भूमिगत वा अन्य विकल्पहरुको पहिचान गर्दै सिंचाई सुविधा पुर्याउने उद्घोष गर्नुभएको छ ।
त्यस्तै गरेर निजगढ नगरपालिकाले निर्वाचित उपप्रमुख, वडा अध्यक्ष,वडा सदस्यहरुको सपथ ग्रहणको कार्यक्रम २०७९ जेष्ठ ९ गते दिउंसो ३ बजे निजगढ व्याक्वेट हालमा राखेको निजगढ नगरपालिका कार्यलयले जानकारी दिएको छ ।
