दक्षिण अफ्रिकाले टी–ट्वान्टी विश्वकप २०२४ मा सोमबार बंगलादेश माथि तनावपूर्ण चार रनको जित निकालेको छ । यस जितको लागि हेनरिक क्लासेनले महत्त्वपूर्ण ४६ रनको योगदान गरे । उनको मद्दतले यस जितसँगै दक्षिण अफ्रिका सुपर–एट चरणको नजिक पनि पुगेको छ ।
दक्षिण अफ्रिका यो लगातार तेस्रो जित हो । पहिले ब्याटिङ गरेको दक्षिण अफ्रिकाले छ विकेटमा १ सय १३ रन मात्र बनाउन सकेको थियो । कमजोर सुरुआत गरेको दक्षिण अफ्रिकाका लागि ‘प्लेयर अफ द म्याच’ क्लासेनले ४४ बलमा दुई चौका र तीन छक्का प्रहार गरे ।
जवाफमा बंगलादेशले सात विकेटमा १ सय ९ रन मात्र बनाउन सक्यो । एक समय चार विकेट गुमाएर ९४ रनको बलियो स्थितिमा रहेको बंगलादेश जित आत्मसात् गर्न भने असफल रह्यो ।
दक्षिण अफ्रिकाको तीन खेलबाट छ अंक भएको छ भने बंगलादेश दुई अंकमै सीमित भएको छ ।
