उत्तम कार्की, २०७८ श्रावण ११, सोमबार चन्द्रागिरी – ६ मातातिर्थमा रहेको मातातिर्थ वृद्धआश्रममा खाना खुवाउने कार्यक्रम सम्पन्न भएको छ।
चन्द्रागिरी न.पा-११ निवासी गणेश सिंह गोदारले आफ्नो जन्मदिनको केक मातातिर्थ वृद्ध आश्रममा काटेर जन्मदिन मनाएका छन। आफ्नो परिवारका सदस्य सहित आश्रम पुगेका गोदारले २३ जना वृद्ध आमाहरुको इच्छा अनुसार भोजन गराएका हुन।
पछिल्लो समय युवा पुस्ताबिच जन्मदिन भड्किलो तरिकाले मदिरा सहित विभिन्न क्लब, डिस्कोमा मनाउने परम्परालाई पुर्णबिराम लगाउदै एक उदाहरणिय सेवा भाव गोदारले प्रस्तुत गरेकाछन।
आगामी दिनहरुमा आफ्नो घर-परिवारका सम्पूर्ण सदस्यको जन्मदिन यसैगरि मनाउने र आफ्नो साथीभाइ हरुलाई पनि येस्तै मानवसेवाको लागि अघि बढ्न लगाउने उनले बताए।
